19 نصيحة للأزواج لحياة زوجية ناجحة

Last updated on 2017-10-15T10:12:16+03:00 at 10:12 ص

19 نصيحة للأزواج لحياة زوجية ناجحة
١. إنت وشريك حياتك حاجة واحدة، لو اختلف مع حد لازم يشوفك جنبه وبتحميه.
٢. الكلمة الحلوة لو دايما بتخرج من طرف واحد بس هييجى يوم وتموت بين الإتنين.
٣. ما تقولش عندى إعتراضات وساكت، اطلب اللى إنت عايزه بهدوء أفضل.
٤. احرص إنك تفضفض لشريكك، لو مش بتحكى له علاقتكم هتتحول لغربة.
٥. استمتع بالحديث مع شريكك بتجنب النقد وإبراز مزاياه وحسن الطلب.
٦. الخصام رسالة منك لشريكك بتقوله: “أنا رافضك” بلاش خصام.
٧. الحب الحقيقى بدون شروط، ما تقولش “لما تعمل حاجة ترضينى أبقى أحبك”.
٨. الحب مش كفاية علشان علاقتكم تنجح، محتاج تتفاهم مع العقل وتشبع الجسد علشان تألفك الروح.
٩. كونك شخصية عملية مش عذر لإهمال شريكك. على فكرة حتى العمليين عندهم مشاعر.
١٠. لو حصل خلاف بين شريكك وأهلك لازم شريكك يشوفك بتحميه وبتعذره بدون أي إساءة لأهلك.
١١. شريكك مش أداة للترفيه عنك، هو شريك على الحلوة والمرة.
١٢. لما تزعل اسكت وامنع الكلام الجارح.
١٣. الهدية لازم تكون بذوق شريكك وبمعدل لا يزيد عن الشهرى. ما يصحش تقول على الهدية هيافة.
١٤. لو إديت كتير هتاخد كتير بس المهم تدى بذوق شريكك مش ذوقك.
١٥. الإنسحاب وتجاهل المواجهة بيأخر الصدام وكمان بيخلى الصدام أضخم.
١٦. اللوم ممنوع، لو حصل يبقى شريكك محتاج تطمنه أنك مش هتزعله تانى.
١٧. لازم يتبادل الطرفين تقديم البهجة لبعض. تبادل الهدايا والكلام الحلو والمفاجأت.
١٨. تقديم البهجة لو تم من طرف واحد هتنطفى فرحة المانح وهيمتنع عن التقديم.
١٩. من علامات الحوار الصحيح أنه ما يأديش لصدام.

الرابط المختصر : /?p=113758

تفاصيل المقالة