ابهري من حولك و تفنني في تشكيل المعجنات

Last updated on 2013-12-19T22:35:55+03:00 at 10:35 م

ابهري من حولك و تفنني في تشكيل المعجنات

 
اولا
انا استخدمت عجينه 10 دقائق
بس بتكاتي
اضفت 2 م ك بيكنج بودر
و م ك حليب بودر لكل كوب = 5
و استبدلت الزيت بالزبد نظرا لأن الذبدبيطري العجين
مقارنة بالزيت

مقادير عجينة العشر دقايق لمن تجهلهاالمقادير

– المجموعة الأولى :

1 – ربع كوب سكر
2 – 2 ملعقة كبيرة خميره فوريه
3 – 2 كوب ماء دافي
4 – ذرة ملح
5 – 2 كوب دقيق
6. 5 م ك حليب بودر

– المجموعة الثانية :

1 -نصف كوب ذبد
2 – 3 كوب دقيق
3 – باكو بيكنج بودر

انا هنا استخدمت نوعين ك محسن خبز و هما الحليب البودر و البيكنج بودر

الطريقة:

– تخلط المقادير المجموعة الأولى مع بعض و تترك لمدة 10 دقائق .
– بعد العشر دقائق يضاف لها مقادير المجموعة الثانية و تعجن جيدا و تستخدم بعد الخمور.
– مثل ما شفنا العجينه تنقسم لقسمين و تتخمر عشر دقايق في القسم الاول و تضاف عليها باقي المكونات , يعني مجموع الطحين في العجينه هو خمس اكواب.

و طبعا كلمة سر اي عجينة ايه ان هناك علاقة طردية بين
كتر لت العجينة و جعلها ملساء و ناعمة
و كون العجينة بعد النضج كالقطنة

ندخل بقي علي الطريقة
هنعمل في البداية الشكل المربع

ندخل علي الشكل التاني

ممكن بعد ما ندهنا بالملمع
نحط في المركز زتنو او طماطم ومع فلفل الوان المهم نلعب بالالوان

ممكن كمان المربع يتعمل علي شكل مثلث متساوي الاضلاع

و نقفل بالشوكة

او تبقي مستطل
كده

و بردو نقفلها باطراف الشوكة

ندخل علي الشكل الرابع
هنعمل زواية مفتوحة جوا المربع بس منوصلهاش لبعض

شايفين العلامات السودا دي
عندها العجين متصل

و هنبدأ نلم الزوايا المقابلة لبعض كده

ندخل بقي علي الشكل الدائري و هنا هنعمل وردة بلدي تحفة


هنجيب 5 دواير و نحطهم فوق بعض كده

و هنحشيها اي نوع جنبة انا هنا حشيتها كيري

و نقسمها بالسكينة

و نحاول نلمها من القاع عشان الجبنة متبهدلش الدنيا


ندخل علي شكل جديد
اسمه خبز العقدة

هنفرد مستطيل و نحشية جنبة سوفت انا هنا حشيته جبن مجدول سوري

و نعملها كده

و نقطعها بالتساوي تقريبا 15 سم

الشكل ده انا مسمياه نضارة

نلف الطرفين قصاد بعض
بالتساوي

ها يلا نقابلهم ببعض

لسه شوية

خلاص اهم قابلو بعض

ندخل بقي علي الاقماع في ناس كتير

طلبوها مني من زماااااااااااااااااااااااااان

هنفرد مستطيل و نقطعه شرائط بالشكل ده

و ندهن الاقماع دهنة زيت خفيفة جدا و نلف الشرائط علي الاقماع

شايفين الوردات ما شاء الله لا قوة الا بالله

و ده شكل المربع الرابع

شكل كمان

و نحط الفيلنج هنا لبنة بزعتز

و نلف رول

و نقطع شرائح بس مع المحافظة علي التصاق الشرائح بالرول

هنا انا عملته منه شكلينالاول لفيتها دايرة و هتشوها وبعد السوي

و التاني اهو

ده شكل تاني
الفيلنج هنا كان سوسيس مفري و زيتون اسود و شيدر
و موزاريلا


و لفيته رول و بعدين دايرتين

و بعدين قطعتها بالمقص هتشوفها بعد السوي

خلاص هانت
هندخل في آخر صنف عملت سينامون رولز بس
ايه بطريقة مبتكرة
مرواوية بحتة
كانت وليدة اللحظة
هههههههههههه
اقول كمان

جبت
3 م قرفة+ 3 م ك زبدة + 2 م ك نيس كويك
4 م ك سكر
و خلطهم ببعض

و فردت مستطيل عجين و دهنته بالخلطة دي

و فردت فوقيه مستطيل تاني و قطعته شرائح


و لفيتهم تويست
و بعدين لفتهم دايرة حلزون

اخيرا هنشوف الفاينل

ده الشكل اللي قطعته بالمقص

الله تبارك الله علي اللمعه

موصلتش ليها بالساهل
هههههههههههههههههه

و متخافوش هقولوكو طبعا علي السر

هنا بتاعت المقص واضحة وصريحة


قطاع رأسي


نضارتي

العقدة ربنا ميجبش عقد

ورداتي البلدي يا حلاوتهم

نقرب منهم زووووووووووووم


كمان زووووووووووووووم
اصلي معجبة بيهم جدا


ده السينامون بعد خروجه من الفرن

و نزلت عليه بحليب مكثف
كنت خالطة عليه منجا طعمه وهمممممممممم

افتكاسات بقي

زوووووووووووم

كمان زووووووووووووووووم
عشان نجوع الناس السهرانة


اقماعي

حشيهم لبنة بزعتر
بس الله عليهم مع تونة
تركي مدخن
شاورما ابتكري يا عسولة

نشوف بقي طراوة العجينة

طبعا عاوزين تعرفوا سر اللمعة الخطيرة دي

صلوا علي الحبيب 10 مرات دي امانة
اهي يا سكرة

بيضة و معلقة لبن رايب و ذرة خل و نص م ص نسكافية او كاكاو
و ذرة فلفل اسود و ملح
طبعا لو هتلمعي معجنات مسكرة بلاش فلفل اسود و ملح
و الفكرة انك تدهنيها مرتين مرة بعد التشكيل مباشرة
و مرة بعد ما يتضاعف حجمها و تدخل الفرن
بس بشويش عشان ما تهبطيهاش
و ما تخافي طعمها مش هيبان في المعجنات خالص

اتمني الموضوع ينول رضاكو

ادعي لي بس بقلب صادق
ان ربنا يكتب لي زيارة بيته الحرام مرارا و تكرار مادمت حية
و ان يربي لي ابنائي و ان يبارك لي في زوجي و يجمعني معه بالفردوس الاعلي
و تأكدي انه ان شاء الله سيرد عليكي الملك و لكي بمثل
و السلام عليكن و رحمة الله و بركاته
احبكن في الله 
م ن للاخت مراميرو

 

الرابط المختصر : /?p=2532

تفاصيل المقالة