Last updated on 2020-06-14T17:57:15+03:00 at 05:57 م

البطاطس المحشية باللحمة المفرومة
  
البطاطس المحشية بأنجح وصفه واطعم من أي وصفه تانية إليكم الطريقة حبايبي  
🍴المقادير:🍴
كيلو بطاطس صغيرة ومدوّرة
¼ كيلو لحمة مفرومة معصّجة
3 ثمرة طماطم متوسّطة
2 ملعقة كبيرة زبدة
ملعقة كبيرة صلصة طماطم
كوب شوربة أو مرقة دجاج
بصلة متوسطة مفرومة
بهارات وملح وفلفل
 الطريقة  
– شوّحي البصلة لحد ما لونها يصفر، وبعد كده ضيفي عليها اللحمة المفرومة، وحطّي عليها البهارات والملح والفلفل وملعقة صلصة وزوّدي شوية ميه.
– قشّري البطاطس وقوّريها وشوّحيها في الزبدة على نار هادية جدا عشان تلمع بس.
– رصّي في الصينية قلب البطاطس، وبعد كده احشي البطاطس باللحمة المفرومة، وحطّيها في نفس الصينية.
– اضربي الطماطم في الخلاط، وحطّي عليها الملح والفلفل والشوربة، وقلّبيهم على النار لمدة 10 دقائق، وصبّيها فوق البطاطس المحشية.
– دخّلي الصينية الفرن لحد ما البطاطس تستوي، وممكن تزيّنيها بالبقدونس…وبالف هنا وشفا يارب