Last updated on 2020-06-22T18:10:22+03:00 at 06:10 م
طريقة عمل باذنجان بالكفتة , اكلات لذيذة , اطباق رئيسية
للكفته
لحم مفروم ناعم , راس بصل مفروم ناعم , 3 اسنان من الثوم مهروس , قليل من البقدونس مفروم ناعم , قرن فلفل اخضر حار مفروم ناعم حسب الرغبه , رشه بقسماط
الطريقه راح اشرحها مع الصور
ونبدأ بإذن الله
الباذنجان يقشر مقلم ويقطع حلقات للثلثين تقريباً
بحيث يبقى عالق من طرف واحد وما ينقطع معك لما تقليه يكون ماسك نفسه زي الصوره
ثم يقلى بالزيت نصف قلي وبيكون لونه اشقر فاتح
وهذي مكونات الكفته اخلطيها كلها مع بعض حتى تكون جاهزه للحشي
وفي صينيه الفرن راح نفرم حبتين بندوره وراسين بصل وشي 4 الى 5 اسنان ثوم
وراس فليفه حلوه و 1 قرن اخضر حار وكمان واحد خليه صحيح ما تقطعيه ومكعب ماجي وبقدونس مفروم ناعم وخليهم في ارض الصينيه مع رشه ملح ورشه فلفل
نرجع للباذنجان بنحشيه بأقراص الكفته زي الصوره
وبنحطها في الصينيه فوق الخضره يلي فرمناها مسبقا
والكفته يلي بتفضل عندك اعمليها اصابع ورصيها بين حبات الباذنجان
بتعطي نكهه كتير طيبه للطبخه
وهون بعد ما رصينا الكفته بين حبات الباذنجان
بتذوبي رب البندوره بكاستين ماء وبتضيفيها على الباذنجان
بحيث ما يكون الباذنجان غرقان كتير يعني زي الصوره
حطيه بالفرن على حراره 250 لمده 45 دقيقه تقريباً على الر ف بالأسفل
وهذا بعد ما استوى وطلعناه من الفرن
ويقدم مع الأرز ساخناً
ويلي بيحب ياكله مع الخبز كمان همممممممممممم يا سلام
وهذا الطبق لكم يا حلوين
