Last updated on 2020-06-19T18:36:44+03:00 at 06:36 م
بصل مقطع صغير
طماط مقطع صغير
ثوم مدقوق
نعناع يابس
زيت زيتون
عصير ليمون
معجون طماط
مكعب ماجي دجاج رز مصرى
الطريقة
.
بالنسبة للملفوف نفوحه (نسلقه) نص فوح و نشخله و نتركه حتى يبرد و ينشف
أما بالنسبة للحشوة نحمس البصل مع زيت الزيتون و لما يبدأ يستوي نضيف مكعب الماجي
و نقلبهم حتى يذوبون و بعدين نضيف الثوم و نحمسه شوي و عقب نحط الطماطم و نخليه يذوب تماما
و آخر شي نحط الر ز اللي سبق إنه نقعناه و شخلناه.
نرد نضيف زيت زيتون و عصير ليمونة و ملعقة معجون طماطم.
بعد ما نشوف الرزتشرب المكونات و بدا يستوي نضيف النعناع و نطفي النار.
ناخذ ورق الملفوف و نشيل الجزء اليابس اللي بالنص و نقسم الورقة قطعتين و نحط معلقة أكل حشو بكل ورقة ملفوف و نلفه نفس ورق العنب.
نقطع بطاط دوائر بسمك متوسط و نصفه بقاع الجدر. بعدين نرص الملفوف و نضيف له علوب فلفل حار بعد إزالة الرؤوس مالتها.
و نذوب ملعقة معجون طماطم بالماي و نضيفه مع عصير ليمونتين و زيت زيتون و رشة ملح للملفوف
و نحط صحن فوق الملفوف عشان ما يتفكك أثناء الطبخ و نخليه على نار هادية لمدة ساعة أو أكثر بشوي.
و نجيك على نضوج الملفوف بأنه نطلع وحدة و نقسمها بالملعقة إذا شفناها مستوية عدل نطفي النار و ذوقوا ألذ ملفوف
