Last updated on 2020-06-17T17:34:48+03:00 at 05:34 م
فطاير سبانخ
المقادير
عجينة العشر دقائق موجودة بوصفاتي تبعت المعجنات
5 ضمم سبانخ
بصلتين متوسطتين مقطعة ناعم
سماق ٤ ملاعق طعام كبيرة تقريبا
ملعقة شطة حسب الرغبة
عصير ٤ ليمونات
كاسة زيت زيتون
ملح حسب الرغبة
كوب جوز مقطع تقريبا
رشة ملح ليمون
لدهن الوجه :
بيضة
ملعقة حليب بودة مخلوطة بملعقتين ماء
ملعقة صغيرة زيت
سمسم
طريقة التحضير
نقوم بتحضير الحشوة و ذلك بخلط السبانخ المقطع و المغسوووووووول جيدا مع الزيت و السماق والشطة والجوز و الملح و البصل والليمون و رشة ملح الليمون و منتذوق الخلطة ازا تمام او ناقصها اشي
منفرد العجينة جيدا و منخلي سماكتها قليلة لانه عجينة العشر دقائق بتنفش كتير داخل الفرن
منجيب قطاعة دائرية او زبدية صغيرة منقطع العجينة المفرودة دوائر
منحط ملعقة من الحشوة داخل كل دائرة و منلم اطرافها على شكل مثلث
منرتبهم بصينية الفرن انا بحط ورق زبدة في الصينية عشان ما تلصق بس عادي لو ما حطيتي بتقدري تدهني الصينية شوية قليلة زيت او عادي حتى لو ما دهنتيها ازا الصينية تيفال
لدهن الوجه نقوم بخلط الحليب المخفف بالماء مع البيض و الزيت و نقوم بخلطهم جيدا و من ثم ندهن وجع الفطائر بالريشة و منرش الوجه بالسمسم
منحطها بفرن محمى سابقا على درجة حرارة ١٧٥ تقريبا ربع ساعة و منضلنا نراقب حتى لا تحترق
بعد ما نخلص شويها من اسفل نقوم بتحمير الوجه و منضلنا جنب الفرن حتى ما يحترقو
وصحتين و عافية
